Hvernig væri að hittast um jólin á sigló og ræða málin
og kannski fá sér eina kollu eða nei bara svona hugmynd.

Ég er farin að sakna ykkar helvítin ykkar!!!!!!

 Persónulega líst mér bara mjög vel á það, alltaf gaman að hittast við erum svo hrikalega skemmtileg.

Viljið þið ekki stefna á þetta krakkar, ha?

Hverjir koma heim um jólin ?

Kv

Bogga

P.S. Takk fyrir fyrstu fyrirspurnina bluvb , gaman gaman.

Sumarið 2004

Kv

Bogga

Vildi benda ykkur á að það er komin ný könnun !

Jafnframt vil ég benda á að það er bannað að svindla ( Hafliði Jón skammskamm)

Í fystu könnunni þá tóku 15 þátt, annari könnun tóku 14 þátt en síðasta könnun sló öll met eða alls 195 tóku þátt sem er ótrúlegt þar sem að við erum ekki nema rúmlega  30 með öllum ha?

Kv

Bogga

Nú sit ég við tölvuna í vinnunni alveg eins og karfi í framan. Tók kannski aðeins of mikið á því í ræktinni áðan. En það var ekki hægt annað með Valþór læknir við hlið sér skokkandi eins og ungling á 30 km hraða. Gat ekki verið minni maður en hann ( eða kona ?).

Ótrúleg tilfinning

Ég pæli reyndar oft í því afhverju ég sé að þessu sprikli öllum stundum en þegar það er búið þá líður mér svo ótrúlega vel að get ekki beðið eftir næsta púli eða kannski bara eftir lokum næsta púls. Tilfinningin er hreint ótrúleg

Komst reyndar að því að með öllu þessu púli er ég að koma mér úr einum áættuhópi í annann, þið spyrjið kannski hvernig en málið er sko þetta. Þegar maður er of þungur þá er maður auðvita í ákveðnum áhættuhópi en það sem ég áttaði mig ekki á er að þegar ég er að skríða úr þeim hópi þá er ég komin í skilnaðar áhættuhópinn. Það er nefnilega víst þannig að þegar konur grennast  mikið þá eru þær líklegri til að skilja við eiginmenn sína. Kannski skiljanlegt þeir fá  alveg glænýja konu en þær sitja uppi með sama manninn.  Er reyndar ekki sammála þessu, hann Kristján losnar ekki svo glatt við mig.

Vonandi er enginn að tapa sér í jólastressi og þið sem eruð í prófum segi ég bara gangi ykkur vel.

Þetta verður ekki lengra í dag og kemur kannski ekkert árg 78 við en eins og áður þá vildi ég bara deila þessu með ykkur.

Varðandi hitting ( Börkur spurði í commentum) og hvort makar séu velkomnir þá er mín skoðun sú að makar séu alltaf velkomnir. Þetta er mat mitt og þarf ekki að endurspegla mat árgangsins.

Nú ætla ég að hætta í bili.

Bið að heilsa

Kv

Bogga

Hvernig er það tapar fólk sér algjörlega í jólastússi, ég skil ekki svona þar sem ég er nú svo frekar róleg að eðlisfari. Fékk sent í tölvupósti þetta myndbrot af húsi einhverstaðar í heiminum þar sem einhver hefur hreinlega tapað sér  http://members.cox.net/transam57/lights.wmv  . Það er nauðsynlegt að hafa hljóð með þessu.

Kv

Bogga

Í tilefni að því að jólin er að koma skelli ég inn mynd sem afi Júlli heitinn tók af bekknum þegar litlu jólin voru. Takið eftir hvað við erum fín !

Auk þess er Haukur Orri, eldri sonur minn  og Sólrún Anna, eldri dóttir Ingvars og Sillu í 6 ára bekk og erum við að fara á morgun í fyrsta foreldraviðtalið á grunnskólastigi.

Vildi bara deila þessu með ykkur en annars er einhver blogglægð að ganga yfir mig svo að þið sýnið mér bara biðlund eða jafnvel takið af skarið og sendið mér eitthvað sniðugt blogg.

Vildi bara benda ykkur á skemmtilega færslu hjá Bjarna Kristjáns um viðurnefni á Sigló.

 Kíkið á mjög gaman að lesa og rifja upp.

http://www.kristjans.com/kristjans.nsf

Kv Bogga

Þessi mynd er sett inn fyrir Danna !

Bara svona til að bæta fyrir tívolímyndina !

Brosið er svolítið æft já mér með stút og allt, Halli lokaðu munninum  , Matthías klikkar ekki. Dengurinn myndast bara mjög vel og brosir í þetta skiptið.

Kv

Bogga

Vildi bara benda ykkur á að kíkja á GSM bloggið hans Sibba. Skemmtilegar fréttir þar.

Til hamingju

Kv

Bogga

Við vorum í samfélagsfræði  í 5. bekk og Katrín var að útskýra fyrir okkur af hverju við þurftum annað hvort að vera kristinnar trúar eða ásatrúar svo það væru ekki tvenn lög ríkjandi í landinu.

En þetta?

Hver var að aftur sem setti nál í stólinn hjá Erlu saum???  Ég man ekki hver það var en ég man bara að allir voru að drepast úr hlátri þegar hún settist niður!!!!

Munið þið það ?

Þóra Huld kom með fullt af barbídóti í skólann og þar á meðal var barbíklósett og Viðar, sem kenndi okkur þá, varð alveg brjálaður og húðskammaði hana!!!!

Bogga

Svona er ég eða hvað ?

Partítröll

Partítröllið fylgist vel með nýjustu straumum og stefnum hvort sem um er að ræða föt, tónlist eða græjur. Það eru 74.5% líkur á því að það eigi iPod, 61% líkur á því að það eigi Fred Perry póló bol og 96% líkur á því að það eigi Adidas skó. Partítröllinu finnst The OC vera skemmtilegur þáttur.



Partítröllið er vinsælt - eða telur sig að minnsta kosti vera það. Þótt margir laðist að því eins og flugur að mykjuhaug eru aðrir sem eru ónæmir fyrir þokka þess og enn aðrir sem hafa jafnvel ofnæmi fyrir því. Það eru þeir sem eru í eldhúspartíinu á meðan partítröllið hristir rassinn og baðar út öngum á dansgólfinu.



Þegar gamaninu slotar er partígríman þó fljótt tekin niður og undan henni kemur viðkvæma blómið sem partítröllið raunverulega er.

Hvaða tröll ert þú?


http://www.stilbrot.com/trollafell/konnun

Hugborgu hugmyndaríka datt snjallræði í hug eða  hvað?

Hugmyndin er þessi:

Hvert og eitt ykkar skrifar 1 eða fleiri línur um eitthvað eftirminnilegt úr skólanum

Ég set svo línurnar saman í frásögn

Þetta má vera sorglegt

Þetta má vera vandræðalegt

Þetta má vera nasty en alls ekki ljótt

Þetta má vera fyndið

Ég ritskoða þetta svo að það fer ekkert á ljótt á þessa síðu, svo að vandið frásögn og það  þarf ekki að taka fram auðvita líka stafsetningu hahaha !

Gefið ykkur nú 5 mínútur til að skrifa mér línu á boggahardar@simnet.is

Þið foreldrar sem eruð ekki með heimasíðu fyrir börnin ykkar sendið mér endilega myndir af þeim.

Ég bý svo til tengil með nafni hvers barns fyrir sig.

Ein góð af Danna Pétri sem er sennilega tekin í Tívolíinu  í Hveragerði !

Svo er það hann Halli Höddi í Vestmannaeyjum að mig minnir, módel smódel hvað!

Matthías ! Brosa

Fór að velta því fyrir mér hvort að einhver grundvöllur væri fyrir mini árgangsmóti, en reyndar áttaði ég mig líka á því að það gleymdist algjörlega að velja fólk í nýja nefnd. Þá á ég við mótið sem á að vera sumarið 2008, árið sem við verðum 30 ára. Veltiði þessu fyrir ykkur ! Er einhver tilbúinn að vera i nefndinni? það er alltaf hægt að leita til okkar hérna á Sigló en meiningin var að nefndin yrði samansett af fólki sem býr á stórhöfuðborgarsvæðinu .

Ein góð !

Kveðja

Bogga